АҚШ маъмурияти фуқароларига «Мэттью» довули яқинлашаётгани сабабли Гаитини тарк этишни тавсия қилади. Бу ҳақда Давлат департаментининг 2 октябрь, якшанба куни тарқатилган огоҳлантирувида маълум қилинган, дея хабар беради «ТАСС».
«Давлат департаменти АҚШ фуқароларини ‘Мэттью’ довули яқинлашаётгани ҳақида огоҳлантиради ва Гаитига сафарларини қолдиришни маслаҳат беради. Биз америкаликларга имкон борича Гаитини тарк этиш ва довул яқинлашгунга қадар авиаташувчилар хизматидан фойдаланишга чақирамиз: об-ҳаво шароитлари ёмонлашгандан кейин аэропортлар ёпилади», — дейилади баёнотда.
АҚШ довулларни кузатиш миллий марказига кўра, «Мэттью» Гаитига 36 соат давомида етиб боради.
Давлат департаменти олдинроқ Ямайка ва Багама ороллари борасида ҳам шундай огоҳлантирувларни билдирганди.
Изоҳ (0)