АҚШ президенти Барак Обама миллий хавфсизлик масалалари билан шуғулланувчи хизматдан Суриядаги кейинги ҳаракатлар бўйича янги вариантларни тайёрлашни сўради, деб ёзади «РБК». Бир вақтнинг ўзида Вашингтон Россия билан ҳамкорликдан воз кечмоқчи, бу ҳақда у яқин орада эълон қилиши мумкин.
Сенатнинг халқаро масалалар бўйича қўмитаси аъзолари билан суҳбат чоғида давлат котиби ўринбосари Энтони Блинкенга «Суриядаги фуқаролар урушини тўхтатиш бўйича дипломатик ҳаракатлар муваффақиятсизликка учраши яққол кўриниб тургани» муносабати билан, АҚШда «Б режаси» бор-йўқлиги ҳақида савол берилди.
«Президент Барак Обама бутун муассасадан янги вариантларни илгари суришни сўради, уларни биз ҳозирда фаол ўрганиб чиқмоқдамиз. Уларнинг баъзилари аллақачон маълум, баъзилари эса янги», — деди Блинкен.
У манфаатдор муассасалардан айнан қандай таклиф келиб тушаётганига тўхталиб ўтирмади.
Reuters ёзишича, кўп қисми куч ишлатиш билан боғлиқ бўлган вариантлар муҳокамасига қайтилиши мумкин. Улар орасида Башар Асаднинг душманларини янада замонавийроқ қурол-яроғ билан таъминлаш, Сурия ҳарбий-ҳаво кучлари базаларига авиазарбалар бериш ва бошқалар ҳам бор.
Изоҳ (0)