Хитой ҳукумати Буюк Хитой девори бўлакларининг бири яқинида юқори тезликда ҳаракатлувчи поездлар учун мўлжалланган жаҳондаги энг чуқур ва энг катта бекатни қуришни режалаштирмоқда. Бу ҳақда «РБК» хабар берди.
People's Daily нашрининг аниқлик киритишича, Бадалин бекати Пекиндан 80 километр шимоли-ғарбда, 102 метр чуқурликда қурилади ва у 35 минг квадрат метр майдонни эгаллайди (қарийб бешта футбол майдонига тенг ҳудуд).
Бекат уч қаватли бўлиши, бекатга келувчи ва ундан жўнаб кетувчи поездлар турли қаватларга келиши, ундаги эскалаторлар баландлиги 62 метрга етиши кутилмоқда.
Юқори тезликда ҳаракатланувчи поездлар учун мўлжалланган бекат қурилиши 2019 йилда ниҳоясига етказилиши мўлжалланган.
Янги иншоот «Пекин — Чжанцзякоу» темирйўл йўналишининг бир қисмига айланади ва сайёҳларнинг 2022 йили Хитой пойтахтида бўлиб ўтадиган қишки Олимпиада давомида ҳаракатланишини таъминлайди.
Изоҳ (0)