Иордания Исроилдаги энг йирик газ конининг биринчи буюртмачиси бўлди

Иордания миллий энергетика компанияси (NEPCO) Исроилдаги йирик газ кони — «Левиафан»нинг биринчи буюртмачиси бўлди. Бу ҳақда «ТАСС» хабар бермоқда.

«Исроил ‘Левиафан’ конидаги қазиш ишлари якунлангач, Иорданияга жуда катта ҳажмда газ етказиб беришни бошлайди. Бу масалада 10 миллиард долларга тенг келишув имзоланди», — дейилади газета хабарида.

Нашрга кўра, Исроил газ конининг Noble Energy компанияси (АҚШ) ва уч маҳаллий корхонадан (Delek, Avner Oil Exploration ва Ratio Oil Exploration) иборат қазиб олиш консорциуми 15 йил мобайнида Иорданиянинг NEPCO компаниясига 45 миллиард куб метр, яъни кунига 8,5 миллион куб метрдан газ етказиб беради.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.