Bloomberg: Трамп ва Клинтон сайловчилар орасида машҳурлик бобида деярли тенг

АҚШ президентлигига номзодлар — республикачи Дональд Трамп ва унинг рақиби демократ Ҳиллари Клинтон сайловчилар орасида машҳурликлари бобида деярли тенг бўлиб турибди. Bloomberg томонидан ўтказилган ва 26 сентябрь, душанба куни эълон қилинган янги умуммиллий сўров натижалари шундан далолат бермоқда, дея хабар беради «ТАСС».

Агентлик томонидан тарқатилган маълумотларга кўра, ноябрда ўтказиладиган президентлик сайловларида Трамп учун сўровда иштирок этганларнинг 43, Клинтон учун эса 41 фоизи овоз беришга тайёр.

Либертарианлар партияси номзоди Гэри Жонсонни америкаликларнинг 8 фоизи, «яшиллар» партияси вакили Жилл Стейнни эса 4 фоизи қўллаб-қувватламоқда.

Шу билан бирга, респондентлардан фақат икки асосий номзоддан бири — Трамп ёки Клинтонни танлаш сўралганда, улар сайловчиларнинг бир хил — 46 фоиздан овозини тўплади.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.