Озарбайжон президенти Илҳом Алиев 26 сентябрь, душанба куни мамлакатда бўлиб ўтаётган, конституцияга ўзгартиришлар киритиш бўйича референдумда овоз берди, деб ёзади «ТАСС». У пойтахт марказидаги бир вақтлар ўзи таълим олган ўрта мактабда жойлашган участкада ўз фуқаролик бурчини бажарди.
Давлат раҳбари билан биргаликда унинг рафиқаси Меҳрибон Алиева ва оиланинг бошқа аъзолари ҳам овоз берди. Президент матбуот учун ҳеч қандай баёнот бермаган ҳолда участкани тарк этди.
Бюллетенга 29 та банд киритилган, уларнинг ҳар бири таклиф этилаётган ўзгартириш ва қўшимчаларни акс эттиради. Референдум иштирокчиларининг 50 фоиздан ортиқ овозларини тўплаган тузатишлар қабул қилинди, деб ҳисобланилади.
Референдумнинг боришини 117 нафар халқаро ва 53 мингга яқин маҳаллий кузатувчилар назорат қилади.
Референдумдан мақсад, ҳукумат вакиллари сўзларига кўра, давлат бошқаруви тизимини такомиллаштириш, хусусан, мамлакат раҳбариятида янги лавозимларни таъсис этиш, президент ва парламент депутати бўлиб сайланиш учун ёш чекловларини бекор қилиш.
Изоҳ (0)