Япония жанубида 5,7 магнитудали зилзила рўй берди. Бу ҳақда «ТАСС» хабар бермоқда.
Миллий метеорология бошқармаси маълумотларига кўра, ерости силкиниши маркази Кагосима префектурасининг Амами ороллари ҳудудида, ўчоғи эса 40 километр чуқурликда бўлган.
Жабрланганлар ёки вайронагарчиликлар ҳақида маълумот берилмаган. Бошқарма томонидан эълон қилинган цунами хавфи бир неча дақиқадан сўнг бекор қилинган.
Зилзиладан бир неча сония аввал Японияда 2011 йилги табиий офатдан сўнг жорий этилган махсус огоҳлантириш тизими ишлаб кетди: фуқаролар мобил телефонига қурилма ҳатто овозсиз режимга ўтказилган тақдирда ҳам баланд товуш билан ўзини билдирадиган тегишли огоҳлантириш келди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)