Бирлашган Араб Амирликлари (БАА) келгуси беш йил давомида суриялик 15 минг қочоқни қабул қилади. Бу ҳақда мамлакат халқаро ҳамкорлик вазири Рим ал-Ҳошимий БМТнинг суриялик қочоқлар муаммосига бағишланган саммитида маълум қилди, дея хабар бермоқда UAE Inside.
«Қийин вазиятга тушиб қолган кишиларга ҳар биримиз ёрдам беришимиз, умид ва таянч манбаси бўлишимиз зарур. Қочоқлар уйларига қайтиши, мамлакатини қайта қуришига кўмак кўрсатишимиз, ор-номусини сақлаб қолиб, жамиятга қўшилиб кетишига имкон беришимиз талаб этилади», — дея таъкидлади вазир.
Маълумот учун, ҳозирда БААда 250 мингдан ортиқ суриялик истиқомат қилмоқда, бироқ уларнинг ҳеч бири қочоқ мақомига эга эмас.
Сўнгги беш йил давомида мамлакат суриялик қочоқларни қўллаб-қувватлаш учун 750 миллион доллардан ортиқ маблағ ажратди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)