Ҳиндистон космик тадқиқотлар ташкилоти (ISRO) ўз тарихида биринчи марта PSLV ракетасининг кўп поғонали орбита парвозини амалга ошириб, саккизта сунъий йўлдошни иккита турли баландликдаги орбиталарга олиб чиқди, деб ёзади «ТАСС» ташкилот сайтига таяниб.
Ракета Ҳиндистон жануби-шарқий соҳиллари яқинидаги Бенгал кўрфазида жойлашган Шрихарикота оролидаги Сатиш Дхаван номли космик марказ майдонидан Тошкент вақти билан 08:42 да учирилди.
У турли баландликлардаги орбиталарга ўзининг учта йўлдошини, Жазоирнинг учта йўлдошини ҳамда Канада ва АҚШнинг биттадан йўлдошини олиб чиқади.
ISRO хабарида таъкидланишича, PSLV ракетаси биринчи марта ўз фойдали юкларини 689 ва 730 км баландликдаги иккита турли орбиталарга олиб чиқмоқда.
Изоҳ (0)