Новосибирскда ўсмир бола 23-қаватдан йиқилиб, омон қолди

Россиянинг Новосибирск вилоятида ўсмир бола 23-қаватдан йиқилиб, тирик қолди, дея хабар бермоқда «РИА Новости» ички ишлар вазирлигига таяниб. Renault Logan енгил машинасининг кузови туфайли у қаттиқ йиқилмади.

Гувоҳлар ижтимоий тармоқларда ёзишича, 16 ёшли ўспирин 24 сентябрь, шанба куни турар-жойнинг 23-қавати деразасида осилиб машқ қилган, бироқ пастга қулаб, Renault Logan маркасидаги такси автомобили томига келиб тушган. Ҳодиса жойидан йигитчани турли жароҳатлар билан тез ёрдам машинаси олиб кетган.

Айни пайтда унинг аҳволи барқарор деб баҳоланмоқда. Воқеа юзасидан текширув олиб борилмоқда.

Гувоҳлар таъкидлашича, ўспирин ўз дўстларига баландликда туриб трюк кўрсатмоқчи бўлган, бироқ пастга қулаб кетган.