Жанубий Африка Республикасида талабалар 2017 йилда таълим учун ҳақнинг 8 фоизга оширилишига қарши намойишларга чиқди. Кўплаб университетларда норозилик намойишлари полиция билан тўқнашувлар ва мулкнинг вайрон қилинишига айланиб кетди, шу боис дарслар бир неча кунга тўхтатилган. Бу ҳақда «ТАСС» хабар бермоқда.
Шарқий Кап вилоятидаги Форт-Хейр университетида талабалар ўқув юрти биноларидан бирига ўт қўйди, ойналарни синдириб, эшикларни бузиб, университетга киришни тўсиб қўйди.
Йоханнесбургдаги машғулотлари бир ҳафтага тўхтаган Витватерсранда университетида талабаларнинг полициячилар билан тўқнашуви қаторасига иккинчи кун давом этмоқда.
Ҳуқуқ-тартибот ходимлари шовқин гранаталари ва резина ўқларни қўллади. Бунинг натижасида уч талаба яраланди, икки нафари ҳибсга олинди. Бундан бир кун аввал 31 талаба қўлга олинган эди.
«Талабалар фақат талабларини илгари сурмоқда, эшитишни умуман истамаяпти. Агар улар университетлар таълим учун ҳақнинг оширмасдан ҳам фаолият кўрсатиши мумкин деб ҳисобласа, шу тариқа ўқув юртларини ҳалокатга етаклаётган бўлади», — дея таъкидлади ЖАР олий таълим вазири Блейд Нзиманде.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)