Бугун,

  • USD 11095.31
  • RUB 173.84
  • EUR 10772.44

Mansion Global нашри Голливуд актёрлари Анжелина Жоли ва Брэд Питтнинг биргаликдаги кўчмас мулкларини кўрсатди, уларни жуфтлик ажрашаётгани туфайли бўлиб олиши тахмин қилинмоқда, деб ёзади «Корреспондент.net».

Фото: EPA

Фото: EPA

Рўйхатга Калифорния штати Лос-Фелис шаҳрида жойлашган, Питт 1994 йилда 1,7 миллион долларга сотиб олган уй ҳам киритилди. Миш-мишларга кўра, у эр-хотиннинг асосий қароргоҳи бўлган.

Лос-Фелисдаги уй. Фото: «Корреспондент.net»

Лос-Фелисдаги уй. Фото: «Корреспондент.net»

Нашр, шунингдек, Санта-Барбарада соҳил бўйида жойлашган 4 миллионлик уй ҳақида ҳам гапириб берди, уни актёрлар 2000 йилда харид қилган.

Бундан ташқари, рўйхатдан Жоли ва Питтнинг Франциядаги 2008 йилда 60 миллион долларга сотиб олинган шато Мираваль қўрғони ўрин олди. Мажмуага узумзор, кўл, бассейнлар ва фавворалар киради, қўрғоннинг ўзида 35 та ётоқхона, бассейн, бильярд хонаси, спорт заллари, сауна ва банкет зали бор.

Шато Мираваль. Фото: «Корреспондент.net»

Шато Мираваль. Фото: «Корреспондент.net»

Шу билан бирга, 2007 йилда Питт Янги Орлеанда 3,5 миллион долларга уй сотиб олган эди, аммо уни 2015 йилда сотувга қўйишган.

Янги Орлеандаги уй. Фото: «Корреспондент.net»

Янги Орлеандаги уй. Фото: «Корреспондент.net»

Шунингдек, Малибудаги 8 миллион долларлик уй ҳақида ҳам хабар қилинмоқда, уни Питт 2005 йилда Женнифер Энистон билан ажрашишдан сал аввалроқ харид қилган. Ўтган йили ушбу уй ҳам сотувга қўйилган, аммо сотилган-сотилмагани номаълум.

Аввалроқ Анжелина Жолининг адвокати у Брэд Питт билан ажрашмоқчи эканлигини тасдиқлаган эди. 2004 йилдан буён учрашиб юрган Жоли ва Питт 2014 йилда никоҳдан ўтган эди. Жуфтлик уч фарзанд кўрган, шунингдек, уч болани асраб олган.

 

Изоҳ
Асосий янгиликлар
Бизнес
Amazon, Meta, Alphabet ва Microsoft ходимларни қисқартириш учун 10 млрд доллардан кўпроқ маблағ сарфлайди
Маҳаллий
Тошкентда автокран қулаши оқибатида машинист вафот этди (видео) 
Маҳаллий
Туркманистон Ўзбекистонга текинга газ етказиб беради