Ҳиндистонда бўлиб ўтаётган футбол бўйича ўсмирлар ўртасидаги Осиё Чемпионатини Ўзбекистон термаси ғалаба билан бошлади.
«D» гуруҳининг 1-турида Таиландни синовдан ўтказган ўзбекистонлик футболчилар 2-дақиқадаёқ гол ўтказиб юборган бўлса-да, якунда 5 та гол уришга эришди.
Гуруҳдаги иккинчи беллашувда КХДР Яман устидан 2:0 ҳисобида зафар қучди. Бу эса 1-турдан кейин гуруҳ пешқадами Ўзбекистон ўсмирлари бўлишини таъминлади.
20 сентябрь куни Ўзбекистон Яманга қарши кураш олиб борса, КХДР Таиландга қарши саф тортади.
Маълумот учун, Осиё Чемпионатининг ярим финалига қадар етиб борган тўрт мамлакат 2017 йилги ўсмирлар ўртасидаги Жаҳон Чемпионатига йўлланма олади.
Осиё Чемпионати U-16 «D» гуруҳи. 1-тур 17 сентябрь, шанба
Ўзбекистон — Таиланд 5:3
Голлар: Жиннават, 2 (0:1). Абубакир Мўйдинов, 23-пен (1:1). Расул Йўлдошев, 45+2-пен (2:1). Вудтичаи, 56-авт (3:1). Арнон, 57 (3:2). Мардон Абдуллаев, 81 (4:2). Расул Йўлдошев, 87 (5:2). Арнон, 90 (5:3).Ноаниқ пенальти: Сонгвут, 52 (Т).Ўзбекистон: Абдувоҳид Неъматов, Абубакир Мўйдинов, Ихтиёр Холдоров, Ислом Каримов (Муҳаммадали Намозов, 63), Мардор Абдуллаев, Достон Ўрунов, Ғайрат Азизхўжаев (Шуҳрат Неъматов, 54), Расул Йўлдошев, Баҳром Соатов, Асадбек Собиржонов, Дониёр Абдуманнопов (Бурхон Ҳасанов, 69).
Изоҳ (0)