Hindistonda bo‘lib o‘tayotgan futbol bo‘yicha o‘smirlar o‘rtasidagi Osiyo Chempionatini O‘zbekiston termasi g‘alaba bilan boshladi.
“D” guruhining 1-turida Tailandni sinovdan o‘tkazgan o‘zbekistonlik futbolchilar 2-daqiqadayoq gol o‘tkazib yuborgan bo‘lsa-da, yakunda 5 ta gol urishga erishdi.
Guruhdagi ikkinchi bellashuvda KXDR Yaman ustidan 2:0 hisobida zafar quchdi. Bu esa 1-turdan keyin guruh peshqadami O‘zbekiston o‘smirlari bo‘lishini ta’minladi.
20-sentabr kuni O‘zbekiston Yamanga qarshi kurash olib borsa, KXDR Tailandga qarshi saf tortadi.
Ma’lumot uchun, Osiyo Chempionatining yarim finaliga qadar yetib borgan to‘rt mamlakat 2017-yilgi o‘smirlar o‘rtasidagi Jahon Chempionatiga yo‘llanma oladi.
Osiyo Chempionati U-16 “D” guruhi. 1-tur 17-sentabr, shanba
O‘zbekiston — Tailand 5:3
Gollar: Jinnavat, 2 (0:1). Abubakir Mo‘ydinov, 23-pen (1:1). Rasul Yo‘ldoshev, 45+2-pen (2:1). Vudtichai, 56-avt (3:1). Arnon, 57 (3:2). Mardon Abdullayev, 81 (4:2). Rasul Yo‘ldoshev, 87 (5:2). Arnon, 90 (5:3).Noaniq penalti: Songvut, 52 (T).O‘zbekiston: Abduvohid Ne’matov, Abubakir Mo‘ydinov, Ixtiyor Xoldorov, Islom Karimov (Muhammadali Namozov, 63), Mardor Abdullayev, Doston O‘runov, G‘ayrat Azizxo‘jayev (Shuhrat Ne’matov, 54), Rasul Yo‘ldoshev, Bahrom Soatov, Asadbek Sobirjonov, Doniyor Abdumannopov (Burxon Hasanov, 69).
Izoh (0)