Буюк Британия бош вазири Тереза Мэй бошчилигидаги мамлакат ҳукумати бир неча ойлик мавҳумликдан сўнг Англия жануби-ғарбидаги Сомерсет графлигида дунёдаги энг қиммат АЭСлардан бири — умумий қиймати 24 миллиард доллар бўлган Hinkley Point C қурилиши лойиҳасини маъқуллади. Атом станцияси Европа ҳудудида беш йил аввал Японияда «Фукусима» АЭС ҳалокати юз берганидан кейин барпо этиладиган илк шундай иншоот бўлади. Бу ҳақда «ТАСС» хабар бермоқда.
Мазкур баёнотни умумий қуввати 3,2 гигаватт бўлган икки энергоблокни қурадиган Франциянинг EDF энергетика компанияси ва бўлажак АЭСнинг учдан бир қисм акцияси эгаси бўлган Хитойнинг CGN (China General Nuclear) компанияси қўллаб-қувватлади.
Мазкур масала узил-кесил ҳал этилишининг бир неча ой чўзилиши Британия ҳукумати АЭС устидан назоратни йўқотмаслик учун қонунчиликни такомиллаштириш зарурати туғилгани билан изоҳланди. Ундан ташқари, Лондон лойиҳадан воз кечилган тақдирда Хитой билан муносабатлар таранглашиши эҳтимолидан ҳам қутулиб қолди.
Изоҳ (0)