Шимолий Корея ташқи ишлар вазири Ли Ён Хо Пхеньян АҚШ фитналарига қарши яна бир ҳужумга тайёрлигини билдирди. Бу ҳақда «Интерфакс» хабар бермоқда.
«Корея халқи АҚШ фитналарига жавобан яна бир ҳужумни ўтказишга тайёр», — дея маълум қилди Венесуэлага Қўшилмаслик ҳаракати вакиллари учрашувида иштирок этиш учун келган вазир.
Олдинроқ АҚШнинг товушдан тез учадиган икки B-1B стратегик бомбардимончиси КХДР билан қарама-қаршиликда Сеулни қўллаб-қувватлаш ва Пхеньян ўтказган ядро синовига жавоб тариқасида Жанубий Корея ҳудудидан учиб ўтганди.
Изоҳ (0)