Amazon 2017 йилда Техасда ўзининг энг катта шамол боғини очади

Дунёдаги энг йирик интернет-ритейлер Amazon 2017 йил охирида ўзи учун энг йирик бўлган 253 мегаватт қувватига эга шамол боғини очишни режалаштирмоқда, деб ёзади «Интерфакс». Компания пресс-релизида айтилишича, у Техас штати Скарри округида жойлашади.

Юздан ортиқ шамол турбиналари йилига 1 миллион мегаватт/соат электр энергиясини ишлаб чиқара олади, бу деярли 90 та Америка уй хўжаликларини электр билан таъминлаш учун етарли бўлади.

Қурилиш билан Lincoln Clean Energy шуғулланади, шамол боғига эгалик қилиш ва уни бошқариш ҳам шу компания зиммасида бўлади. Amazon эса ишлаб чиқариладиган электр токининг 90 фоизини сотиб олади.

Аввалроқ Amazon Индиана, Шимолий Каролина, Огайо ва Виргиния штатларида шамол боғлари очиш ниятини маълум қилган эди, улар компаниянинг мавжуд ва бўлажак «булут» марказларини электр токи билан таъминлайди.

Бешта лойиҳа биргаликда ҳар йили 2,6 миллион мегаватт/соат электр энергиясини ишлаб чиқаради.