Хитой мамлакат ҳудуди осмонида об-ҳавони кенг кўламда бошқаришни бошламоқчи. Сиёсатчилар ва олимларнинг режалари ҳақида South China Morning Post нашри хабар берди.
Экспертлар Тибет тоғлиги осмонида сунъий булутлар яратиш жараёнини ишга туширишни таклиф қилмоқда. Бу йилига беш миллиард куб метрдан ортиқ сув ҳосил қилиш имконини беради. Ёмғир сувлари Хуанхе дарёси ҳавзасини тўлдириши керак.
Хитойлик олимлар томонидан олиб бориладиган лойиҳа бўйича ишларнинг техник-иқтисодий асоси Цинхай провинцияси ҳукумати томонидан молиялаштирилади.
«Атмосферадаги тропосфера ва чегара қатлами ўртасида сув буғини ташиш учун ‘Осмон дарёси’ деб номланган барқарор канал мавжуд», — деди Цинхай университети президенти.
Сувни тутиш учун олимлар атмосферага ракета ва самолётлар ёрдамида етказиб бериладиган кимёвий моддалардан фойдаланмоқчи. Об-ҳаво вазияти устидан тезкор назорат учун лойиҳа тарафдорлари орбитага махсус йўлдошни чиқармоқчи.
Изоҳ (0)