БМТ бош котиби Пан Ги Мун сайловолди кампанияси чоғида мамлакат қочоқ мусулмонларни қабул қилишига қарши чиққан ва мексикалик муҳожирларни жиноятчилар деб атаган АҚШ президентлигига номзод Дональд Трампнинг фикрларига кескин муносабат билдирди. Халқаро ташкилот Бош ассамблеяси 71-сессияси бошланишига бағишланган матбуот анжуманида бош котиб бундай қарашларга йўл қўйиб бўлмаслиги ва улар инсон ҳуқуқлари умумжаҳон декларациясига зид эканлигини маълум қилди, дея хабар беради «ТАСС».
«Шахсан ўзим ва БМТ нуқтаи назари шундан иборатки, қайси мамлакат ва ким унинг етакчиси бўлишидан қатъи равишда, инсонни миллати, ирқи, жинси, диний мансублигидан келиб чиқиб таҳқирлаш, камситишга йўл қўйиб бўлмайди. Бу инсон ҳуқуқлари умумжаҳон декларациясига ҳам зиддир», — дея таъкидлади Пан Ги Мун.
БМТ бош котибига кўра, бу биринчи галда борган мамлакатларида кўпинча бирон-бир ҳуқуқий мақомга эга бўлмаган муҳожир ва қочоқларга тегишли. Уларга бошпана, ҳимоя, таълим борасида кўмак кўрсатилиши зарур,
Изоҳ (0)