Pan Gi Mun Trampning muhojir va qochoqlar haqidagi fikrlariga yo‘l qo‘yib bo‘lmasligini bildirdi

BMT bosh kotibi Pan Gi Mun saylovoldi kampaniyasi chog‘ida mamlakat qochoq musulmonlarni qabul qilishiga qarshi chiqqan va meksikalik muhojirlarni jinoyatchilar deb atagan AQSh prezidentligiga nomzod Donald Trampning fikrlariga keskin munosabat bildirdi. Xalqaro tashkilot Bosh assambleyasi 71-sessiyasi boshlanishiga bag‘ishlangan matbuot anjumanida bosh kotib bunday qarashlarga yo‘l qo‘yib bo‘lmasligi va ular inson huquqlari umumjahon deklaratsiyasiga zid ekanligini ma’lum qildi, deya xabar beradi “TASS”. 

“Shaxsan o‘zim va BMT nuqtai nazari shundan iboratki, qaysi mamlakat va kim uning yetakchisi bo‘lishidan qat’i ravishda, insonni millati, irqi, jinsi, diniy mansubligidan kelib chiqib tahqirlash, kamsitishga yo‘l qo‘yib bo‘lmaydi. Bu inson huquqlari umumjahon deklaratsiyasiga ham ziddir”, — deya ta’kidladi Pan Gi Mun. 

BMT bosh kotibiga ko‘ra, bu birinchi galda borgan mamlakatlarida ko‘pincha biron-bir huquqiy maqomga ega bo‘lmagan muhojir va qochoqlarga tegishli. Ularga boshpana, himoya, ta’lim borasida ko‘mak ko‘rsatilishi zarur,