Британиялик ёзувчи Жоан Роулинг 48 метрлик «Амфитрита» яхтасини 20 миллион долларга сотувга қўйди. Бу ҳақда «ТАСС» хабар бермоқда.
Роулинг 2016 йилнинг январида яхтани 29 миллион долларга харид қилган эди. Ҳашаматли кеманинг бу қадар тез сотилиши сабаблари ҳақида ёзувчининг ўзи ҳеч қандай изоҳ берганича йўқ.
Бешта бўлмада ўн нафар йўловчини сиғдира оладиган яхта 2001 йилда қурилган ва дастлаб «Анатолия» деб номланган. 2006 йилда уни Голливуд актёри Жонни Депп сотиб олган. Кема 2014 йилда яна сотилган ва ҳозирги номини олган.
Жоан Роулинг сеҳргар бола Гарри Поттер ҳақидаги китоблар туркуми билан дунё бўйича машҳурликка эришган. The Sunday Times газетасининг маълум қилишича, унинг бойлиги 600 миллион фунт (тахминан 800 миллион доллар)га баҳоланади.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)