Россиядаги Кольцово (Екатеринбург) халқаро аэропорти терминали ойналарида маҳаллий мусиқий гуруҳлар қўшиқларидан сатрлар пайдо бўлди. Бу ҳақда TJournal хабар бермоқда.
Аэропорт маъмурияти ўнта ижрочини танлаб, уларнинг ҳар бири ижодидан ҳаво қўналғаси ва саёҳатлар муҳитига мос қўшиқлар топди, ойналарда эса танланган қўшиқлардаги энг муҳим сатрлар жойлаштирилди.
Ижрочилар қаторидан «Чайф», «Сансара», «Смисловие галлюцинации», Чичерина, «Курара», N.E.V.A, Alai Oli, «Обе две», Ek-Playaz ва «АлоэВера» ўрин олди.
Уларнинг қўшиқларидан олинган сатрларни энди ҳар куни минглаб йўловчилар кўриши мумкин.
Шунингдек, Кольцовода Koltsovo Music Box номи остида iTunes, Google Play ва «Яндекс.Музика»да плейлистлар очилди. Терминал ойналаридаги сатрлар остида уларга олиб борадиган QR-кодларни учратиш мумкин.
Изоҳ (0)