Испанияда «Тахтлар ўйини» сериали учун кастинг эълон қилинди, деб ёзади «Газета.ru». Номзодлар 13 ва 14 сентябрь кунлари кўриб чиқилади, танлаб олиш билан Modexpor International Casting компанияси шуғулланади.
18 дан 50 ёшгача бўлган аёллар ва эркаклар таклиф этилади. Таъкидланишича, барча даъвогарлар «озғин» бўлиши керак. Эркакларга нисбатан алоҳида талаблар уларнинг спортчиларга хос қоматга ва ҳарбий тажрибага эга бўлишидан иборат.
Кастингга минглаб даъвогарлар келиши кутилмоқда, аммо саралашда 2,4 минг эркак ва 600 аёл иштирок эта олади, холос.
Суратга олиш ишлари 14 ноябрдан 15 декабрга қадар Касерес провинциясида бўлиб ўтади. Кастингдан ўтганлар кунига 54 евродан маош олади.
Аввалроқ «Тахтлар ўйини» сериалининг охиридан олдинги — еттинчи мавсумини суратга олиш ишлари расман бошлангани хабар берилган эди.
Изоҳ (0)