Туркия қуролли кучлари Сурия ҳудудидаги «Фрот қалқони» операциясининг 15 куни ичида террорчилик ташкилотларининг 110 нафар аъзосини йўқ қилди, деб ёзади «РИА Новости» Туркия бош вазири ўринбосари Нуриддин Жаниклига таяниб.
«Операциянинг 15 куни ичида Сурия ҳудудининг 772 квадрат километр майдони террорчилардан тозаланди, ИШИД гуруҳи ва Сурия курдлари ўз-ўзини мудофаа қилиш кучларининг 110 террорчиси йўқ қилинди. Туркия қуролли кучлари эса беш кишини йўқотди, 19 киши яраланди. Тўртта танк ва бир нечта БТР йўқ қилинди», — деди Жаникли Анқарадаги матбуот анжуманида.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)