Россиянинг Норилск шаҳридан оқиб ўтувчи Далдикан дарёси қизил рангга кирди. Meduza’нинг ёзишича, маҳаллий аҳоли рангини ўзгартирган дарё суратларини ижтимоий тармоқларда эълон қилган.
Россия табиий ресурслар ва экология вазирлиги ахборотида қайд этилишича, дарё сувининг ифлосланишига «Норилский никел» корхонасидаги авария сабаб бўлган бўлиши мумкин.
«РИА Новости» агентлиги эса комбинат раҳбариятига асосланиб, корхонадаги носозликлар, шунингдек, Далдикан дарёсига саноат чиқиндилари сизиб чиққани эҳтимоли ҳақидаги ахборотни рад этган.
Норилск шаҳар маъмуриятининг маълум қилишича, шаҳарни сув билан таъминлаш тизимида Далдикан дарёси сувидан фойдаланилмайди.
Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)