Juno («Юнона») космик қурилмаси Ерга Юпитернинг уникал фотосуратларини юборди. Бу ҳақда NASA сайтида хабар берилди.
Суратлар 27 август куни, «Юнона» сайёра атрофидаги биринчи айланишини муваффақиятли амалга оширган вақтда олинган, у Юпитерни жами 36 марта айланиб чиқиши керак. Зонд осмон жисмини аввал кўрилмаган ракурсларда муҳрлашга муваффақ бўлди. Биринчи марта Юпитернинг инфрақизил тасвирлари йирик планда суратга туширилди.
«Бу Юпитернинг шимолий ва жанубий қутблари инфрақизил манзараларидир, улар биз шу пайтгача кўрмаган илиқ ва иссиқ нуқталарни намоён қилди. Бошқа ҳеч қайси қурилмалар Ердан ёки коинотдан жанубий қутб ёғдусини кадрга муҳрлай олмаган эди. Деталлаштиришнинг юқори даражаси бизга Юпитер ҳақида кўпроқ нарса айтиб беради», — деди «Юнона» илмий қурилмаси тадқиқотчиси.
Эслатиб ўтамиз, беш йил давомида Юпитерга қараб учган Juno сайёралараро станцияси 4 июль, АҚШ мустақиллиги кунида Юпитер орбитасига чиққан эди. Кейинроқ эса Juno коинот қурилмаси сайёрани максимал яқин масофада айланиб ўтди.
Изоҳ (0)