Россиянинг Рязань вилоятидаги Листвянка аҳоли пункти яқинида енгил моторли самолёт ҳалокатга учради. Бу ҳақда «РБК» хабар бермоқда.
Ҳаво кемаси қулагани ҳақидаги хабар 4 сентябрь, якшанба куни маҳаллий вақт билан 16:18 дақиқада олинди. Қутқарувчилар бир киши жабрланганини маълум қилди. Бироқ вилоят фавқулодда хизматларидаги манбага кўра, ҳалокатдан сўнг касалхонага етказилган самолёт учувчиси оламдан ўтган.
Ҳодиса жойида қутқарувчилар ишламоқда. Турар-жойлар учун хавф йўқлиги билдирилган.
Изоҳ (0)