Сурия армияси ҳарбий хизматчилари Хама вилояти шимолидаги Мардес шаҳрида аксилтеррор операцияси чоғида 60 дан ортиқ жангарини йўқ қилди. Бу ҳақда 4 сентябрь, якшанба куни Fars маълум қилди, дея хабар беради «ТАСС».
Агентликка кўра, жангариларга тегишли зирҳли техника, ўқ-дори ва жиҳозлар йўқ қилинди. Аниқлик киритилишича, суриялик аскарлар пулемётлар билан жиҳозланган 7 та транспорт воситаси, 3 миномёт, 2 танк, шунча жанговар пиёда машинаси, 2 ракета ва бир артиллерия қурилмасини йўқ қилди.
Маълумот учун, 31 август куни ҳукумат кучлари Дамашқдан 220 километр узоқда жойлашган Хама вилояти маъмурий маркази атрофида қайта ҳужумга ўтди.
Изоҳ (0)