Табиат ҳимояси бўйича халқаро иттифоқ катта пандаларни Қизил китобда қирилиб кетаётганлар гуруҳидан қалтис гуруҳга ўтказди, дея хабар бермоқда Жаҳон ёввойи табиат фонди (WWF).
«Тур дуч келган хавф даражаси пасайгани Хитой ҳукумати раҳбарлигидаги ҳаракатлар бесамар кетмаганини билдиради ва бундай аҳамиятли турларни сақлаб қолишга сарфланган маблағ қопланаётганини кўрсатади», — деди WWF’нинг Хитойдаги ижрочи директори.
Табиат ҳимояси бўйича халқаро иттифоқ маърузасида айтилишича, 2004—2014 йилларда Хитойдаги катта пандалар сони 1596 тадан 1864 тагача кўпайган. Бутун дунёда эса бундай жониворлар сони тахминан 2060 тани ташкил этади.
2015 йил январида АҚШ ва Хитой экологлари катта пандалар сони камайиб кетиши эҳтимоли катта эканлиги ҳақида огоҳлантирган эди. Бунга асосий сабаб иқлим ўзгаришларидир. Мутахассислар прогнозларига кўра, 2070 йилга келиб, катта пандалар сони икки марта камайиши мумкин.
Изоҳ (0)