АҚШнинг Гавайи оролларидаги Bishop Museum олимлари Тинч океанида яқинда аниқланган янги балиқ турини АҚШ президенти Барак Обама номи билан атамоқчи, деб ёзади National Geographic.
Янги тур оролларнинг шимоли қисмидаги Куре атолли (корал рифларидан бири)дан топилди. У Тосаноидларнинг ушбу ҳудуддаги кенжа оиласининг ягона вакиллари ҳисобланган тилларанг-тўқ сариқ тусдаги балиқларни ўз ичига олади. Бунгача Тосаноидлар фақат Япония ҳудудий сувларида яшайди, деб ҳисобланиларди. Бундан ташқари, янги тур Тинч океанидаги Папаханаумокуакеа денгиз қўриқхонаси сувларидагина яшайди.
Тадқиқотчилар Обама қўриқхонани кенгайтиргани учун миннатдорлик сифатида янги турга унинг номини беришга қарор қилди. Шунингдек, улар янги турнинг ўзига хослиги президент таржимаи ҳолига ўхшаш эканлигини қайд этди (Обама Гавайи штатида туғилган).
Изоҳ (0)