2 сентябрь, жума куни Узоқ Шарқда россиялик ва чет эллик инвесторлар билан учрашган Россия президенти Владимир Путин Хитойда Россия музқаймоғи севиб истеъмол қилиниши, бироқ унинг ХХРга экспорти гўёки чекланганлигини билиб ҳайратланганлигини маълум қилди. Бу ҳақда «ТАСС» хабар бермоқда.
Учрашув иштирокчиларидан бири, Хитой бизнеси вакили Россия музқаймоғи ХХРда севиб истеъмол қилиниши, бироқ уни Хитойга катта партияда олиб кириш тақиқланганлигини маълум қилди. У бундай тақиқнинг сабабига аниқлик киритмади, бироқ Россия президентини ушбу муаммони ҳал этишга чақирди.
«Сиз гўёки музқаймоқ миллат мулки ёки маданий бойлик бўлгани каби уни олиб киришга тақиқ ҳақида маълум қилиб, мени ҳайрон қолдирдингиз. Бу ҳақда биринчи марта эшитишим», — деди у.
«Агар уни топиш шунчалик қийин бўлса, бундан кейин Хитойга ташриф буюрган пайтларимда ХХР раиси Си Цзиньпинга махсус совға тариқасида музқаймоқ олиб келаман», — деди табассум билан Россия раҳбари.
Изоҳ (0)