Тошкент кўчаларида Ўзбекистон байроғини осиб олган машиналар ҳаракатланиб, ўткинчиларни байрам билан табрикламоқда. Бу ҳақда Facebook’даги «Наш Таш» саҳифаси маълум қилди.
Ўзбекистон Мустақиллигига 25 йил тўлиши муносабати билан уюштирилган ўзига хос акция суратлари ҳам эълон қилинди. Уларда машиналар байроқларни ҳилпиратиб, қатор бўлиб тизилиб юрганини кўриш мумкин. Кимдир дастакли байроқни автомобилнинг очиқ ойнасидан чиқариб турган бўлса, яна кимдир уни капот устига ёпиб қўйган.
Суратлардан бирида эса «байроқдор» Lacetti’нинг икки ёндаги ойнаси ва томидаги люкидан уч киши белигача чиққан ҳолда кўчада сайр қилаётганини кўриш мумкин.
«Байроқдор» ҳайдовчиларни интернет фойдаланувчилари илиқ кутиб олди ва бундай ташаббуси учун мақтади.
Изоҳ (0)