Намангандаги «Шодиёна» тантаналар мажмуасида Ўзбекистон Республикаси мустақиллигининг 25 йиллиги арафасида 25 нафар келин-куёвнинг никоҳ тўйи нишонланди. Бу ҳақда вилоят ҳокимлиги ахборот хизмати хабар бермоқда.
Эрта тонгда мажмуада дастурхон ёзилиб, элга ош тортилди. Келин-куёвлар «Ёшлар маркази»да тўпланиб, «Тинчлик» хиёбонида эсдалик учун суратга тушди. Мотамсаро она ҳайкали пойига гуллар қўйилди.
Кечки пайт «Шодиёна» янги оила қурган ёшлар ихтиёрида бўлди. Меҳмонлар уларни қутлаб, ўзларининг самимий тилакларини билдирди. Келин-куёвларга вилоят ҳокимлигининг эсдалик совғалари топширилди. Санъаткорлар ижросидаги куй-қўшиқлар тадбирга файз улашди.
Изоҳ (0)