Toshkent ko‘chalarida O‘zbekiston bayrog‘ini osib olgan mashinalar harakatlanib, o‘tkinchilarni bayram bilan tabriklamoqda. Bu haqda Facebook’dagi “Nash Tash” sahifasi ma’lum qildi.
O‘zbekiston Mustaqilligiga 25 yil to‘lishi munosabati bilan uyushtirilgan o‘ziga xos aksiya suratlari ham e’lon qilindi. Ularda mashinalar bayroqlarni hilpiratib, qator bo‘lib tizilib yurganini ko‘rish mumkin. Kimdir dastakli bayroqni avtomobilning ochiq oynasidan chiqarib turgan bo‘lsa, yana kimdir uni kapot ustiga yopib qo‘ygan.
Suratlardan birida esa “bayroqdor” Lacetti’ning ikki yondagi oynasi va tomidagi lyukidan uch kishi beligacha chiqqan holda ko‘chada sayr qilayotganini ko‘rish mumkin.
“Bayroqdor” haydovchilarni internet foydalanuvchilari iliq kutib oldi va bunday tashabbusi uchun maqtadi.
Izoh (0)