Италияда юз берган кучли зилзила оқибатида қурбон бўлганлар сони 293 нафарга етди. Бу ҳақда 31 август, чоршанба куни маҳаллий ОАВлар маълум қилди, дея хабар бермоқда «Интерфакс».
Италия Миллий ўт ўчириш хизмати ходимлари табиий офат оқибатида энг кўп жабрланган Аматриче шаҳрида қидирув-қутқарув ишларини давом эттирмоқда. Бир неча киши ҳамон бедарак йўқолган сифатида қайд этилмоқда, бироқ маҳаллий ҳукумат уларнинг аниқ сонини маълум қилмади.
Аввалроқ ер силкиниши оқибатида ҳалок бўлганлар сони 290 кишига етганлиги ҳақида хабар берилган эди.
Эслатиб ўтамиз, зилзила Италия марказида 24 август куни маҳаллий вақт билан 03:36 да (Тошкент вақти билан 06:36 да) содир бўлди. 6,0 магнитудали ер силкиниши эпицентри Риети провинциясида 4 километр чуқурликда жойлашган эди.
Изоҳ (0)