Italiyada yuz bergan kuchli zilzila oqibatida qurbon bo‘lganlar soni 293 nafarga yetdi. Bu haqda 31-avgust, chorshanba kuni mahalliy OAVlar ma’lum qildi, deya xabar bermoqda “Interfaks”.
Italiya Milliy o‘t o‘chirish xizmati xodimlari tabiiy ofat oqibatida eng ko‘p jabrlangan Amatriche shahrida qidiruv-qutqaruv ishlarini davom ettirmoqda. Bir necha kishi hamon bedarak yo‘qolgan sifatida qayd etilmoqda, biroq mahalliy hukumat ularning aniq sonini ma’lum qilmadi.
Avvalroq yer silkinishi oqibatida halok bo‘lganlar soni 290 kishiga yetganligi haqida xabar berilgan edi.
Eslatib o‘tamiz, zilzila Italiya markazida 24-avgust kuni mahalliy vaqt bilan 03:36 da (Toshkent vaqti bilan 06:36 da) sodir bo‘ldi. 6,0 magnitudali yer silkinishi epitsentri Riyeti provinsiyasida 4 kilometr chuqurlikda joylashgan edi.
Izoh (0)