КХДРда мамлакат етакчиси Ким Чен Ин буйруғига биноан икки нафар юқори мансабли амалдор қатл этилди, дея хабар бермоқда «ТАСС» Жанубий Кореянинг «Чунан ильбо» газетасига таяниб.
Унинг манбаларига кўра, собиқ қишлоқ хўжалик вазирлиги Хван Мин ва таълим вазирлигида юқори лавозимни эгаллаган Ри Ён Чжин омма олдида зенит қурилмасидан ўққа тутилган. «Қатл Ким Чен Иннинг шахсий буйруғи билан Пхеньян Ҳарбий академияси ҳовлисида амалга оширилди», — деб ёзади нашр.
Хван Миннинг отилишига «Шимолий Корея етакчиси унинг таклифларидан норози бўлгани сабаб бўлган, уларни Ким Чен Ин шахсий даъват деб қабул қилган». Қатл қилинганлардан иккинчиси эса, гўёки мажлис чоғида Ким Чен Ин нутқ сўзлаётганида ухлаб қолган. «У дарҳол ҳибсга олинган ва қизғин сўроқ қилинган, сўнг коррупцияда айбланган», — деб ёзади «Чунан ильбо».
Изоҳ (0)