Facebook Қизил Хоч ташкилотига Италиядаги зилзила оқибатларини бартараф этиш учун 500 минг евро ажратади. Бу ҳақда ижтимоий тармоқ асосчиси Марк Цукерберг маълум қилди, дея хабар беради «ТАСС».
«Facebook Italy AD credits (реклама аккаунтларидаги бепул ўринлар) шаклида Қизил Хоч эҳтиёжлари учун 500 минг евро ажратади. Ташкилот Facebook платформасидан маблағ тўплаш, кўнгиллиларни қидириш, донорлик қони йиғилиши ҳақидаги эълонлар жойлаштириш, шунингдек, фавқулодда вазиятларда ёрдам кўрсатиш учун бошқа мақсадларда фойдаланиши мумкин», —дейилади Цукерберг томонидан тарқатилган баёнотда.
Италия Қизил Хоч ташкилоти президенти Франческо Рокка Римда бўлиб турган Цукербергга миннатдорлик билдирди ва ушбу хайрия ташкилотга мамлакатнинг марказий минтақасидаги зилзиладан жабрланганларга кўмак кўрсатишга имкон беришини билдирди.
Изоҳ (0)