Австралияда турмадан қочган Эми Шарп 7 News Sydney телеканали Facebook’да унинг қидирилаётгани ҳақидаги эълонга қўйган суратни алмаштиришни талаб қилди.
Телеканал постида полиция ахлоқ тузатиш муассасасидан қочиб кетган 18 ёшли Шарпни қидираётгани ҳақида айтилган эди. Ташқи кўриниш ва алоҳида белгилар билан бирга, эълонга қизнинг қамоқхонада туширилган фотосурати ҳам илова қилинган эди.
Эълонни қочоқ қизнинг ўзи ҳам кўриб, 7 News Sydney’дан суратни яхшироғига алмаштиришни сўради ва ҳатто ўз вариантини таклиф қилди. «Илтимос, мана бу суратни ишлатинг, раҳмат. Самимият билан Эми Шарп», — деб ёзди у.
Шарпнинг мурожаати интернетда оммалашиб кетди ва 62 мингдан ортиқ «лайк» йиғди. Facebook фойдаланувчилари қизни қўллаб-қувватлади ва бундай дадил ва журъатли хатти-ҳаракатини мақтади.
Изоҳ (0)