Volkswagen АҚШда дизель можароси билан боғлиқ зарарни қоплаш тариқасида дилерларга 1,2 миллиарддан ортиқ маблағ тўлашга рози бўлди. Бу ҳақда Reuters агентлигига таяниб, 3DNews хабар бермоқда.
Volkswagen’нинг АҚШда 650 нафарга яқин дилери бор. Компания ва дилерлар ўртасидаги музокаралар жорий йилнинг майида бошланган эди. Volkswagen’нинг учта франшизасига эга дилерлардан бири дизель можароси туфайли етказилган зарарни қоплаш талаби билан судга мурожаат қилган эди.
Кўрсатилган сумма Volkswagen франшизалари қийматининг пасайиши муносабати билан дилерларнинг йўқотишларини қоплаши лозим. Ушбу маблағ автомобиль ишлаб чиқарувчисининг сотилмаган ва қайта ишлаш имкони йўқ автомобиллар учун тўлайдиган маблағи ичига кирмайди.
Изоҳ (0)