Сирдарё вилоятида тиркамали юк машинаси билан Nexia’нинг тўқнашуви оқибатида бир киши ҳалок бўлди

Сирдарё вилоятида тиркамали юк машинаси ва Nexia автомобили иштирокида йўл-транспорт ҳодисаси юз берди. Бу ҳақда Facebook’даги «Водители Ташкента (Drivers.uz)» гуруҳида фотохабар қолдирилган.

Муаллифнинг ёзишича, ҳодиса Сирдарё вилояти маъмурий маркази — Гулистон шаҳридан чиқиш жойида юз берган, бироқ айнан қачон юз берганига аниқлик киритмаган.

«Одамлар, ҳар қандай ҳолатда ҳам эҳтиёт бўлинг. Мазкур авария натижасида бир киши ҳалок бўлди, яна бири оғир аҳволда ётибди», — деб ёзган хабар муаллифи.

Ҳодиса айнан қандай юз бергани номаълум. Фойдаланувчиларнинг ёзишича, тиркамали юк машинаси рухсат этилмаган жойда қайрилиб олаётган вақтда, Nexia катта тезликда ўтиб кетишга уриниб, юк машинага бориб урилган.

Диққат, диққат! «Дарё»нинг Telegram’даги расмий канали — «Тошқин ‘Дарё’»га обуна бўлиб, янгиликлардан овозли кўринишда баҳраманд бўлишингиз мумкин.