Американинг General Motors автомобиль компанияси бир кишининг ўлимига сабабчи бўлган йўл ҳалокати ҳақидаги иш бўйича жавобгарликка тортилмайди. Бундай қарорга 25 август, пайшанба куни АҚШнинг Техас штати Харрис округи ҳакамлар суди келди, деб ёзади «ТАСС».
Автогигантга қарши суд шикоятини Техас фуқароси Закари Стивенс берган. 2011 йилда у ўзининг Saturn Sky автомобилини бошқараётиб, қарама-қарши йўналишда келаётган автомобилга урилиб кетган. ЙТҲ оқибатида иккинчи автомобиль ҳайдовчиси воқеа жойида ҳалок бўлди, яна бир киши жароҳатланди. Стивенс ўт олдириш тизимидаги нуқсон туфайли тормоз ишламай қолгани, натижада бошқарувни йўқотганини таъкидлади.
GM адвокатлари эса ҳодиса Стивенснинг айби билан содир бўлганини, у ёмғир туфайли сирпанчиқ бўлиб қолган йўлда тезликни меъёридан оширганини даъво қилди. Охир-оқибат, ҳакамлар ҳимоя томонининг фикрига қўшилди ва ушбу ҳолатда ЙТҲга носозлик сабаб бўлмаган, деган хулосага келди.
Изоҳ (0)