Volkswagen AQShda dizel mojarosi bilan bog‘liq zararni qoplash tariqasida dilerlarga 1,2 milliarddan ortiq mablag‘ to‘lashga rozi bo‘ldi. Bu haqda Reuters agentligiga tayanib, 3DNews xabar bermoqda.
Volkswagen’ning AQShda 650 nafarga yaqin dileri bor. Kompaniya va dilerlar o‘rtasidagi muzokaralar joriy yilning mayida boshlangan edi. Volkswagen’ning uchta franshizasiga ega dilerlardan biri dizel mojarosi tufayli yetkazilgan zararni qoplash talabi bilan sudga murojaat qilgan edi.
Ko‘rsatilgan summa Volkswagen franshizalari qiymatining pasayishi munosabati bilan dilerlarning yo‘qotishlarini qoplashi lozim. Ushbu mablag‘ avtomobil ishlab chiqaruvchisining sotilmagan va qayta ishlash imkoni yo‘q avtomobillar uchun to‘laydigan mablag‘i ichiga kirmaydi.
Izoh (0)