Қирғизистон президенти Алмазбек Атамбаев ҳукуматга Россия пойтахтида содир бўлган ёнғин қурбонлари оиласига зарур ёрдам кўрсатишни топширди. Бу ҳақда давлат раҳбарининг матбуот хизмати маълум қилди, деб хабар беради «ТАСС».
Мамлакат ташқи ишлар вазирлиги маълумотларига кўра, Москвада рўй берган ёнғинда Қирғизистоннинг 14 нафар фуқароси ҳалок бўлди. Улар асосан 18 дан 45 ёшгача бўлган аёллар эканлиги билдирилмоқда. Яна уч нафар қирғизистонлик касалхоналарда бўлиб турибди.
Ҳозирда мамлакатнинг Россиядаги элчихонаси ходимлари марҳумлар жасадини ватанига етказиш масаласини ҳал этмоқда.
Изоҳ (0)