«Сурия мухолифати» деб аталувчи қуролли гуруҳлар, шунингдек, тинч аҳолининг бир қисми тўрт йил давомида Сурия ҳукумат қўшинлари қамали остида бўлган Дамашқ ташқарисидаги Дарайя шаҳридан эвакуация қилингач, Сурия араб армияси уни ўз назорати остига олди. Бу ҳақда AFP Сурия ҳарбийлари доирасидаги манбасига таяниб хабар берди, деб ёзади «Ведомости».
«Сурия армияси Дарайяни тўлиқ назорат қилмоқда, унинг аскарлари бутун шаҳарни эгаллаган. Бу ерда мухолифатдан бирорта ҳам қуролли киши йўқ», — деди манба.
Сурия давлат телевидениеси хабар қилишича, Сурия ҳукумати ва «мухолифатчилар» ўртасида эришилган «келишув шартларига кўра тинч аҳоли, қуролли кишилар ва уларнинг оилалари эвакуация қилингач, Дарайя иши ёпилди». Кадрларда шаҳар кўчалари бўйлаб юрган армия машиналарини кўриш мумкин.
Изоҳ (0)