Туркия ҳарбий самолётлари 27 август, шанба куни Сурия ҳудудида чегарадаги Жараблус шаҳри жанубидаги туманни назорат қилувчи ўз-ўзини мудофаа қилувчи курд халқ отрядларига тегишли деб тахмин қилинаётган ўқ-дорилар омборини портлатди, дея хабар бермоқда «Корреспондент.net» Reutersга таяниб.
Аввалроқ курд бўлинмалари ҳужум нишонига айланганини маълум қилганди. Туркиянинг бир нечта телеканаллари ҳам ўқ-дорилар омборига қилинган ҳужум ҳақида шунга ўхшаш хабарларни узатди.
24 август куни Туркия махсус топшириқли бўлинмалари ва танклари АҚШ самолётлари кўмагида Сурия ҳудудига кирди. Ҳарбийлар ўз ҳаракатларини стратегик муҳим шаҳар Жараблусни ИШИД жангариларидан озод қилиш зарурияти билан изоҳлади. Туркия кучлари бир суткадан камроқ вақт ичида шаҳарни ўз назорати остига олди. Аммо Туркия ҳудуддаги ҳарбий салоҳиятини кучайтиришда давом этди. Экспертлар фикрича, Туркия операциясининг асосий мақсади курд исёнчилари кўтарилишига йўл қўймаслик.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)