Туркиянинг Суриядаги ҳужумкор операцияси — жиддий прогресс. Бундай фикрни Оқ уй расмий вакили Жош Эрнест Вашингтондаги матбуот анжуманида маълум қилди, деб ёзади «Интерфакс».
Унинг сўзларига кўра, АҚШ Анқарани кўп бора «Туркия-Сурия чегарасини ёпиш бўйича қатъий хатти-ҳаракатларга» ундаган. Хусусан, ушбу масала АҚШ ва Туркия президентлари Барак Обама ва Ражаб Тоййиб Эрдўғоннинг икки томонлама учрашувида муҳокама қилинган.
Associated Press маълумотларига кўра, Суриянинг Жараблус шаҳрини террорчилардан озод қилиш бўйича операция режасини ишлаб чиқишда Туркияга айнан Америка ҳарбий маслаҳатчилари ёрдам берган.
24 август, чоршанба куни, Туркия ОАВлари маълумотларига кўра, Анқара Сурия шимолидаги Жараблус шаҳрини ИШИД жангариларидан тозалаш операциясини бошлади. Операция чоғида Туркия артиллерияси шаҳарга ёпирилма зарбалар берди, Сурия билан чегарага танклар жойлаштирилди. Айни пайтда шаҳарнинг бир қисми Туркия қўллаб-қувватлайдиган Сурия мухолифатчилари назорати остига ўтган.
Изоҳ (0)