Москва Сурия ва Туркия чегараси ҳудудидаги ҳодисалардан ҳамда араблар ва курдлар ўртасидаги зиддиятларни ҳисобга олиб, вазият янада ёмонлашишидан хавотирда, деб ёзади «Интерфакс» Россия ташқи ишлар вазирлиги баёнотига таяниб.
24 август, чоршанба куни, Туркия ОАВлари маълумотларига кўра, Анқара Сурия шимолидаги Жараблус шаҳрини ИШИД жангариларидан тозалаш операциясини бошлади. Операция чоғида Туркия артиллерияси шаҳарга ёпирилма зарбалар берди, Сурия билан чегарага танклар жойлаштирилди. Айни пайтда шаҳарнинг бир қисми Туркия қўллаб-қувватлайдиган Сурия мухолифатчилари назорати остига ўтган.
Кейинроқ Туркия президенти Ражаб Тоййиб Эрдўғон Туркия Суриядаги ҳарбий операцияни мазкур мамлакат ҳудудида жойлашган террорчилар ҳужумидан ўзини ҳимоя қилиш учун бошлаганини маълум қилди.
Изоҳ (0)