БМТ Хавфсизлик кенгаши КХДР томонидан амалга оширилган баллистик ракета парвозини муҳокама қилиш учун ёпиқ учрашув ўтказади, дея хабар бермоқда «ТАСС» ХКга аъзо мамлакатлардан бирининг дипломатига таяниб. Унинг сўзларига кўра, дискуссия АҚШ ва Япония сўрови бўйича ўтказилади.
24 август, чоршанба куни КХДР сув ости кемасидан баллистик ракета учиргани маълум қилинди. Япония мудофаа вазирлиги маълумотларига кўра, ракета тахминан 500 км масофага учиб, Япон денгизига қулади. У биринчи марта мамлакат ҳаво ҳужумига қарши мудофаа идентификация ҳудуди ичкарисига 80 километргача кирди.
Япония ҳукумати раҳбари ушбу ҳодисани «бутун минтақада тинчлик ва барқарорликка жиддий раҳна солган ҳолда, БМТ Хавфсизлик кенгаши резолюциясини кечирилмас тарзда бузиш» деб атади.
Изоҳ (0)