Флорида соғлиқни сақлаш бошқармаси АҚШдаги мазкур штатда одамларнинг Зика вирусига чалинишига боғлиқ бешта янги ҳолатни текширмоқда. Бу ҳақда штат губернатори Рик Скотт маълум қилди, дея хабар беради «ТАСС».
Улардан бири олдин хасталик кузатилмаган Пинеллас округи, қолганлари эса Майами-Дейд округидаги Винвуд аҳоли пунктида қайд этилди. Мазкур янги ҳолатлар билан штатда Зика вирусига чалинганлар сони 42 кишига етди.
Олдинроқ Флоридада 35 киши Зика безгагига чалингани билдирилганди.
Губернаторнинг таъкидлашича, вирус тарқалиш ҳудуди ҳозирда ҳам тор доирада бўлиб, Майами-Дейд округидаги Винвуд ва Майами-Бич даҳалари билан чекланган.
Изоҳ (0)